TOE hy sy ma groet, met die pers bak vol kerrievetkoek wat sy vir die toergeselskap gemaak het onder die arm, het dit nie vir ’n oomblik deur sy kop gegaan dat hy haar nooit weer sou sien nie.
Sy geliefde Mammie was dan piekfyn en gesond, groter as die lewe self, en só trots op hom.
Dit was die oggend voor die Arendsvlei-akteur Jurgen McEwan (27) vertrek het op ’n drie weke lange toer om die toneelstuk Krismis van Map Jacobs op te voer. Die toergeselskap sou hom langs die N7-hoofweg naby sy ouerhuis in Atlantis oplaai, en sy ma, Lisa (58), het daarop aangedring dat sy vir hulle padkos maak.
“Ek het nog vir haar gesê: ‘Mammie moet klaarmaak; ek gaan laat wees,’” vertel Jurgen. “Sy sê toe, ja, maar die vetkoeke moet eers klaar,
