Resepte en stilering: Arina du Plessis aduplessis@landbou.com
Vinnige kerriehoenderpot met patat
’n Ligte, dog romerige en vullende kerriehoenderpotjie met die heerlikste geur en binne 30-40 minute gereed om te eet.
■ 30 ml elk olie en botter
■ 1 groot ui, in dun wiggies gesny
■ 8 hoenderborsfilette (sonder vel), in blokkies gesny
■ 30 ml kerriespeserymengsel
■ 5 ml komyn
■ 1 kaneelstokkie
■ 4 middelslagpatats, geskrop en in hapgrootte stukkies gesny
Sous
■ 330 ml klapperroom
■ 10 ml fyngerasperde gemmer
■ 10 ml fyngedrukte knoffel
■ 250 ml hoenderaftreksel
■ 60 ml blatjang
■ 10 ml mielieblom, aangemaak met ’n bietjie koue water
■ Sout en peper na smaak
■ Vars koljanderblare
Verhit die olie en botter saam in ’n middelslag-platboomswartpot en braai die ui en hoenderfiletblokkies saam met die kerriemengsel, komyn en kaneelstokkie tot die vleis geseël is. Skep die patatblokkies bo-op.
Meng die klapperroom, gemmer, knoffel, hoenderaftreksel
