IN HAAR woonstel is daar geen foto te sien van haar oorlede dogter nie. Dis nog te vroeg, sê Jessica Naidoo. Sasha-Lee Shah is net meer as 10 maande gelede vermoor, en in die Indiese kultuur word ’n oorledene se foto’s nie uitgestal in die eerste jaar ná hul dood nie.
Rou is ’n groot deel van Jessica se lewe sedert haar dogter vermoor is. Sy is geklee in ’n swart broek en swart bloes. Haar naels is rooi geverf, met goud aan haar ringvingers, ’n geskenk van ’n vriendin wat gedink het dit sal Jessica te midde van haar hartseer opbeur, vertel sy ons met emosie wat duidelik baie vlak lê.
Sasha-Lee, wat toe 25 was, is vermoor deur ’n jaloerse ekskêrel wat haar