SY BEGIN elke oggend met die “Serenity Prayer”: Here, gee my die kalmte om die dinge te aanvaar wat ek nie kan verander nie, die moed om die dinge te verander wat ek kan, en die wysheid om die verskil tussen die twee te ken.
Vir Zoleka Mandela is dié gebed ’n herinnering om elke dag te vat soos dit kom. Want die 43-jarige kleindogter van oudpres. Nelson Mandela en Winnie Madikizela-Mandela weet haar dae raak vinnig minder. Die kanker waaraan sy ly, gaan haar lewe eis – dít weet sy.
En sy berei haar reeds op haar naderende dood voor.
In 2012 het Zoleka
