EENPAN-ROOM-FRIKKADELLE
GENOEG VIR 4 MENSE / BEREIDING: 15 MIN. / STAAN: 30 MIN. / GAARMAAK: 45 MIN.
Geïnspireer deur tradisionele Sweedse trooskos. Die sous vir dié frikkadelle word in dieselfde pan gemaak waarin die frikkadelle gebraai word. Dit verseker ’n geurige en dekadente roomsous.
◗ 15 ml (1 e) olie + ekstra vir braai
◗ 1 ui, fyngekap
◗ 1 knoffelhuisie, fyngerasper (opsioneel)
◗ 150 g beesmaalvleis
◗ 150 g varkmaalvleis
◗ 2,5 ml (½ t) fyn wonderpeper (allspice)
◗ 2,5 ml (½ t) fyn neutmuskaat
◗ 2,5 ml (½ t) witpeper
◗ sout, na smaak
◗ 1 eier, geklits
◗ 1 x Weet-Bix-stafie, fyngekrummel
SOUS
◗ 15 ml (1 e) botter
◗ 30 ml (2 e) meel
◗ 125 ml (½ k) beesvleisaftreksel + ekstra indien nodig
◗ 125 ml (½ k) room
◗ fyngerasperde skil van 1 suurlemoen
AFRONDING
◗ vars pietersielie
◗ bykos van jou keuse
1 Verhit die olie in ’n diep pan en braai die ui tot goudbruin. Voeg die knoffel by, indien gebruik, skep uit en hou eenkant.
2 Meng die ui met die res van die bestanddele. Rol in okkerneutgroottefrikkadelle, pak op ’n bord en verkoel minstens 30 min.
3 Verhit nog ’n bietjie olie in dieselfde pan waarin die ui gebraai is en braai die frikkadelle in sarsies tot goudbruin aan alle kante. Skep uit en hou eenkant.
4 Sous Smelt die botter in dieselfde pan en sprinkel die meel oor. Meng goed deur.
Verlaag die hitte en giet die aftreksel bietjies-bietjies by en roer aanhoudend. Roer die room en suurlemoenskil deur en pak die frikkadelle terug in die pan. Sit die deksel