NOEDEL-SLAAIBAKKIES
GENOEG VIR 4 MENSE / BEREIDING: 20 MIN. / STAAN: 30 MIN.
’n Vars en gesonde slaai wat min moeite is. Gebruik sommer gaar oorskiethoender vir hierdie resep.
NOEDELS
◗ 100 g vermicellirysnoedels
◗ 250 ml (1 k) bevrore ertjies
SLAAISOUS
◗ sap van 2 lemmetjies of 30 ml (2 e) witwynasyn
◗ 1-2 rooi brandrissies, fyngekap
◗ 20 ml (4 t) vissous
◗ 30 ml (2 e) sojasous
◗ 15-30 ml (1-2 e) strooisuiker
SLAAI
◗ 3 groot gaar hoenderborsfilette of
◗ 4 ontbeende hoenderdye, in stukkies geskeur
◗ ’n kop slaaiblare, in stukke geskeur
◗ ½ rooikool, gekerf
◗ 2-3 wortels, geskil en in linte gesny
◗ 1 komkommer, in stokkies gesny
◗ 2 stingeluie, in dun repies gesny
◗ ’n hand vol vars basilieblare
◗ ’n hand vol vars mentblare
VIR VOORSIT
◗ 100 g grondboontjies, gesout en gerooster, fyngekap
◗ lemmetjiewiggies
Hou 4 opskepbakkies of diep borde byderhand.
Sit die noedels in ’n diep bak en bedek met kookwater. Plaas ’n deksel of ’n noupassende bord bo-op die bak sodat die stoom nie ontsnap nie. Laat staan 20-30 min. of tot die noedels sag en buigbaar is.