‘JY MOET ’N BELONING HÊ OM ORDE TE HAND-HAAF, WANT JY GAAN DIT NIE MET BRUTE KRAG REGKRY NIE’
HOE kán dit wees dat wrede misdadigers wat verniel, verkrag of vermoor en dan gevang en toegesluit word, eendag sommer parool kry en weer buite rondloop – en dít selfs nog voor hul straf uitgedien is?
Dis mos skreiend?
Dís wat ’n mens dink as jy hoor die skuldiges in opspraakwekkende hofsake kry parool – soos Alison Botha se aanvallers en die 10-jarige Elroy van Rooyen se moordenaar nou onlangs.
Die twee mans wat Alison in 1994 in Gqeberha wreed aangeval en vir dood agtergelaat het, Frans du Toit en Theuns Kruger, het onlangs op parool uit die gevangenis gestap
