FOKUS VEE
Alle voeding wat aan ’n plaasdier verskaf word, ook natuurlike veldweiding, het ’n spesifieke koste vir die boer. Sy doelwit is om waarde tot die voeding en ander produksie-insette toe te voeg deur die dier of sy nageslag uiteindelik teen ’n wins te kan verkoop.
Wat die maksimum benutting van alle voeding betref, moet die boer se doel wees om sy diere se spysverteringskanaal, hierna bloot verwys as die derm, optimaal te laat werk. Om ’n ongesonde en dus ondoeltreffende derm te hê, kan vele gesondheids- en produktiwiteitsprobleme by diere veroorsaak. Dit geld veral die komplekser herkouerderm.
Dr. Clint Austin, hoof van besigheidsontwikkeling en die tegniese leier by MSD Dieregesondheid in Suid-Afrika, sê daar is baie faktore wat tot swak dermgesondheid by mak herkouers kan bydra.
Sommige is buite die boer se beheer, maar ander kan met die regte bestuur