AS DIE bose Orpa Blignaut wat haar ewe vroom hou om geld uit Ruiterbosch se kerkmense te pers, het Marisa Drummond se karakter in Suidooster kykers warm onder die kraag soos nooit tevore nie.
“Jy sal nooit die hemelpoorte haal nie” en “Hoe kry jy in die nag geslaap?” word die aktrise aanlyn toegesnou.
Só hoog loop die gemoedere oor dié intrige in hierdie gewilde kykNET-sepie dat twee amptelike klagtes al daaroor by die uitsaaiowerheid ingedien is.
Tog is die klagtes en kommentaar nie die grootste uitdaging in haar lewe nie, selfs al maak dit seer.
Terwyl Orpa en haar man, James, gespeel deur Dries Botha, saans hul geknoei onder ’n dekmantel van godsdienstigheid op die kassie voortsit, staan Marisa (43) tuis haar pa, Pieter Bosman
