SY IS die vrou wat geweier het om te sterf. Met haar een hand op haar maag om haar ingewande binne te hou, ’n oopgesnyde keel en nog tientalle meswonde het sy uit die duineveld pad toe gekruip.
Maar eers het sy die name van die twee wreedaards wat haar soos diere verkrag en aangerand het in die sand geskryf: Frans du Toit en Theuns Kruger. Sy wou geregtigheid hê – selfs al sterf sy.
Maar Alison Botha hét daardie grusame aanval 28 jaar gelede in Gqeberha oorleef. Du Toit en Kruger is lewenslank tronk toe gestuur. Gedurende die vonnisoplegging het regter Chris Jansen hulle as “die boosheid vanself” beskryf en aanbeveel dat hulle nooit parool kry nie.
Op haar lang pad na fisieke en emosionele genesing het die dapper Alison (nou 56) ’n boek geskryf. Daar was ook ’n dokumentêre rolprent oor haar