SPIDER-MAN: ACROSS THE SPIDER-VERSE
DIE EERSTE REKORDBREKER
Een van ons gunstelingsuperhelde swaai weer oor die grootskerm in dié tweede Spider-Man animasiefliek.
Die eerste fliek, Spider-Man: Into the Spider-Verse (2018), het die rekords laat spat en die Oscar vir beste animasiefliek gewen.
Daarin het Miles Morales, ’n doodgewone tiener van Brooklyn, New York, superkragte gekry nadat hy deur ’n spinnekop gebyt is. Hy maak vir hom ’n kostuum en masker en begin om as Spider-Man misdaad te beveg. (Dus, die oorsprongverhaal.)
Maar in die nuwe fliek raak dinge ingewikkeld, want die gemaskerde webswaaier en muurklouteraar ontmoet alternatiewe weergawes van homself
