Jou storie
Manlief koop ’n paar jaar gelede ’n klompie dragtige verse by ’n stoetteler. Hulle is pragtig verby, donkerrooi en spekvet. Hulle word in ’n kamp naby die huis afgelaai sodat ons die dragtigheid kan monitor. In die volgende paar maande kalf een ná die ander. Die kalwers is almal baie mooi, hulle is immers geteel om uitstekend te wees.
Maar daar is een bulletjie wat almal se aandag trek. Hy is van kleins af in ’n ander klas. Binne enkele weke sê Manlief dat ons hom maar gaan hou en grootmaak. Hy is ’n kampioenbul in wording en gou word hy Nr. 7 gedoop, na aanleiding van die plaatjie in sy oor.
Nr. 7 stel hoegenaamd nie teleur nie. Elke