In 2015 kry Bernadette Swartz (44) uit die bloute 'n oproep van 'n vriendin met wie sy kontak verloor het.
”Ek hetgisteraand 'n droom van jou gehad,”sê die belier Íuit Graaff-Reinet in die Oos-Kaap.”Daarin het jy 'n baie suksesvolle klerebesigheid. En die besigheid se naam is BE.”
Bernadette het nog nooit 'n steek naaldwerkgedoen nie, maar die gesprek steek by haar vas, en die finansies druk. 'n Paar weke later besluit sy om die droom haar eie te maak.
Kort daarna kry Magdalene Collins (70) van die Paarl, wat bykans 30 jaar lank in 'n klerefabriek in Elsiesrivier in die Kaap gewerk het, 'n oproep van haar dogter Bernadette. ”Ek weet Mammie het'n ou naaldwerkmasjien. Kan ek dit asseblief ieen?”
Nie lank daarna nie vertrek die ou Empisal-masjien waarmee Bernadette grootgeword het met 'n rygeleentheid uit die Paarl. Dit word halfpad aan iemand anders oorhandig en dan eindelik by haar in Jeffreysbaai in die Oos-Kaap afgeiewer.