KORTVERHAAL
V rydagaand gaan laai die 45-jarige Claude Louw sy vrou en kinders by sy skoonsuster af.
”Wat gaan jy die hele naweek op jou eie doen?” vra Ronel voor sy uitklim.
”Ek het hope agterstallige werk om in te haal,” lieg hy skaamteloos.
”Die stilte sal my goed doen. Julle moet julle tydjie geniet. Ek kom haal julle Sondagmiddag.”
Hy voel nie eens skuldig toe hy alleen terugry nie. Om sy vrou 'n rat voor die oë te draai, is al tweede natuur. Hy sorg net dat hy nie uitgevang word nie. Hy is een van daardie mans wat nog nooit 'n aantreklike vrou kon weerstaan nie.
Saterdagoggend SMS hy vir Blanche sy huisadres. Sy stuur feitlik onmiddellik 'n boodskap terug: ”Dankie, liefie. Kan nie wag vir vanaand nie.”
Deur die loop van die dag bel hy vir Ronel om te sê hoe stil die huis kastig sonder hulle is. ”Ek
