ENTREPRENEUR
Die spreekwoord lui:“one man’s waste is another man’s treasure”, en in die geval van Anthea Fransman (43) is dít in die kol. Dié sakevrou en ma dink nie twee keer om haar hande vuil te maak nie, want sy omskep herwinbare materiaal in ’n waardevolle skat wat vir haar en haar werknemers ’n inkomste genereer.
Daarby help haar besigheid, Recycle 1st, om die omgewing skoon te hou.
Dinge het egter ’n ompad geneem voordat Anthea besef het watter waarde daar in vullis is.
Anthea is gebore in Gqeberha in die Oos-Kaap, maar toe sy twee jaar oud was, het hul gesin Kaap toe getrek.
Anthea sê hulle het nie swaargekry nie, omdat haar pa, Benny Hartzenberg (73), ’n dokter is. Haar ma, Susan (66), was ’n huisvrou en saam het haar ouers gesorg dat sy en
