JOU 80ste verjaardag het aangebreek. Jy kan dit met koek en tee saam met die kleinkinders vier – of dalk met die avontuur van ’n leeftyd.
Vir twee boesemvriendinne van Texas was die antwoord vanselfsprekend. Hulle het 80 dae lank om die wêreld gaan reis – letterlik ’n dag vir elke jaar van hul lewe.
En ’n besadigde bustoer was dit nie. Hulle het geswaai bo rysvelde in Bali, in ’n hondeslee oor Finland se sneeuvelde gesnel, in die waters van Australië se Groot Koraalrif gesnorkel en die woestyn van Egipte op kamele verken.
En dít ondanks die knievervangings wat Sandy Hazelip en Ellie Hamby albei
