DRIE keer per week is dit Zoë Brown se sprankelende glimlag en borrelende persoonlikheid wat die skok van vroeg opstaan vir Suid-Afrikaners versag. Maar dis nie net met hanekraai dat dié medeaanbieder van SABC3 se ontbytprogram, Expresso, op die kassie te sien is of haar stem oor die radio gehoor word nie.
Smiddae maak sy die pad huis toe korter vir luisteraars van die Kaapse stasie KFM. Daarby verskyn dié veelsydige donkerkop ook nou die eerste keer voor die TV-kameras as aktrise in die komediefliek Skaapboer.
Maar die pad na roem was nie vir haar maklik nie. Deur die nag werk, selfs die “graveyard shift’’, ken sy net so goed soos bitter vroeg opstaan.
Vandag kyk sy met trots terug op hoe ver sy gevorder het sedert die dae dat sy
