OEGHOE! Oeghoe!” hoes Palawa die kameelperd toe sy by ‘OEGHOE! die Babbelboomhuis aankom.
“Hallo, Bibi. Hallo, Paloeks,” groet sy.
“Hallo Palawa,” groet Bibi en Paloeka die leeu. Hulle is baie bly om vir Palawa te sien, want hulle kan nie wag om na die vraag van die dag te luister nie.
“Ons het spesiaa-,” begin Bibi, maar Palawa begin weer vreeslik hoes.
“Oeghoe! Oeghoe! Oeghoe!”
“Skuus julle. Ek weet nie wat aangaan nie, ek het al heeloggend ’n padda in my keel,” sê Palawa. “Eintlik van gisteraand af,” sê sy.
“Wat? ’n Padda in jou keel? Siesa. Jiggie,” sê Paloeka en trek sy gesig.
“Nee man Paloeka, nie letterlik nie. As jy sê daar is ’n padda in jou keel, beteken dit jou keel is krapperig en
