Soms kan jy alles in jou vermoë doen om iemand anders geliefd en gewaardeerd te laat voel, maar die boodskap kan steeds iewers verlore gaan. Dít is waar liefdestale ’n rol speel, meen verhoudingskenners. Sodra jy jou man, kind of vriendin se liefdestaal verstaan, kan jy jou liefde en waardering op ’n manier oordra wat werklik tot hulle spreek.
Elani Swart (36) sê haar huwelik het ’n omwenteling ondergaan nadat beide sy en haar man, Justin (40), die boek The Five Love Languages deur die Amerikaanse pastoor en skrywer Gary Chapman gelees het. Dié paartjie van Brits in Gauteng, is twaalf jaar getroud, waarvan die eerste vier jaar redelik moeilik was.
“Ons het altwee gevoel ons word nie op die regte manier liefgehê nie. Ek
