’n Mooie meisiekind in ons familie trou. Ons almal is vrolik en lag en huil ’n bietjie toe die bruid in wasige, antieke kant aan die arm van my bewoë broer binnekom.
By die onthaal sien ons verras dat die tafelversierings nie blomruikers is nie, maar ’n glasbak vol dartelende goudvissies. Dié skitterende vissies is spesiaal geteel vir die geleentheid. En hier is hulle nou, tot almal se vreugde.
