TWEE oulike apies kom al langs die oprit aangestap. Een bestuur ’n draadkarretjie en die ander een stoot die rukkerige tjor. Kort op hul hakke kom Beatrice van Niekerk agterna. Op 85 sukkel sy soms om regop te staan, maar daar’s niks fout met haar hande wat die diertjies lewe gee nie.
Die apies is net twee van die marionette in haar versameling van 200 karakters. Met dié outjies het Beatrice jare lank poppeteater gehou en gehore vermaak.
Maar nou is dit tyd om te groet. Dertig jaar nadat sy en haar oorlede man, Jarie, dié huis in die Lake Brenton-bewaringsgebied naby Knysna as vakansiehuis gebou het, moet sy afskeid neem van al 200 poppekinders. Sy trek na ’n woonstel in ’n
