SALM-MOUSSE
Salm-mousse was een van die groot partytjiestaatmakers in die jare sewentig, maar toe ek my kollegas begin uitvra, kom ek agter dis steeds ’n groot gunsteling by baie familiebyeenkomste. Ons het die mousse effens gesonder én smaakliker gemaak deur jogurt pleks van room te gebruik en dit toe met vars dille afgerond.
Genoeg vir: 8-10
Bereidingstyd: 40 minute, plus stoltyd oornag
♥ 1 klein ui, geskil en grofweg gekap
♥ 1 selderysteel, gekap
♥ 1 blik (400 g) salm in soutwater, gedreineer en grate verwyder (jy kan ook tuna gebruik)
♥ 175 g salmgeur roomkaas
♥ 125 ml Griekse jogurt
♥ 125 ml mayonnaise
♥ 15 ml suurlemoensap
♥ 10 ml fyngekapte vars dille
♥ 30 ml tamatiesous
♥ 10 g (15 ml) gelatienpoeier
♥ 2-5 ml Tabascosous
♥ ’n paar druppels pienk koskleursel (opsioneel)
♥ radyse, babakomkommertjies, suurlemoenwiggies en bronkors, vir garnering
♥ Bacon Kips of enige soutbeskuitjies van jou keuse, om voor te sit
1 Plaas die ui, seldery, salm (of tuna), roomkaas, jogurt, mayonnaise, suurlemoensap, dille en tamatiesous saam in ’n voedselverwerker en verpulp dit tot ’n gladde mengsel.
2 Gooi 30 ml vuurwarm water (nie kokend nie) oor die gelatienpoeier en roer dit tot dit opgelos het. Laat dit vir ’n paar minute eenkant afkoel. Voeg ’n bietjie van die salmmengsel by die gelatien wanneer dit afgekoel het en roer dit
