spyskaart
– BEGIN –
Olywe met bloubessies
Hummus met confit-knoffel en olyfoliebeskuitjies
– HOOFMAAL –
Coq au vin blanc – die heel lekkerste hoender in witwyn!
Pampoentert met karamelsous
– NAGEREG –
Sjokoladekoek met ’n vrugte-compote en crème fraîche
Olywemet bloubessies
Glo dit of nie, maar soutige olywe en vars, soet bloubessies is ’n hemelse kombinasie wat regtig net so verslawend is soos neute of grondboontjies. Probeer gerus druiwe of appelliefies in die plek van die bloubessies.
Genoeg vir 6-8
Bereidingstyd 5 minute plus 1-2 dae marineertyd
JY BENODIG
• 2 koppies (500 ml) goeie olywe, gedreineer
• 1 koppie (250 ml) vars bloubessies
• ½ koppie (125 ml) goeie olyfolie
• 1-2 eetlepels (15-30 ml) vars roosmarynnaalde (of gebruik tiemieblaartjies)
SÓ MAAK JY
Gooi die olywe in ’n bak en voeg die bloubessies, olyfolie en roosmaryn by. Meng die bestanddele liggies met jou hande deur en sorg dat die roosmaryn eweredig versprei word. Maak dit ’n dag of twee voor die tyd en los dit in die yskas of ’n baie koel plek in jou huis om te marineer voor jy dit voorsit.
Hummus met knoffel-confiten olyfoliebeskuitjies
Hierdie is een van die lekkerste hummusresepte wat ek nog teëgekom het, al verg dit meer as om net.