'N Paar jaar gelede, lank voor haar uitdagende en ikoniese rol as Wendy/Ingrid/Silky in kykNET&kie se Arendsvlei, het Rehane Abrahams in 1997 in San Francisco in 'n lang oudisie-ry gestaan vir 'n rol in 'n Shakespeareproduksie.
Daar was letterlik 'n duisend mense, almal honger vir dieselfde paar rolle en dieselfde werk. Rehane was vasbeslote dat sy haar rol in die produksie wou hê… En met haar talent, toneelspelvaardigheid en kennis kry sy dit toe.
Dít was die oomblik toe Rehane, wat nou in Kaapstad se Woodstock bly, iets groots besef. Suid-Afrikaners, met ons vlak van opleiding en onderwys in die uitvoerende kunste en standaard van toneelspel soos wat sy by die Universiteit van Kaapstad (UCT) verwerf het, hoef hoegenaamd nie vir die res van die wêreld op die verhoog
