‘PALOEKA, was jy al ooit in Parys?” vra Palawa die kameelperd vir Paloeka die leeu. Palawa blaai deur ’n tydskrif en kyk na ’n foto van ’n groot stad. Sy gee ’n harde sug.
“Ja, ek dink ek was,” sê Paloeka.
“Regtig? Dit was seker wonderlik en mooi?” vra Palawa met groot oë.
“Dit was oukei. Dis ’n oulike dorp. Ons het eenkeer daar gestop toe ons op pad was Potchefstroom toe,” sê Paloeka en trek sy skouers op.
“Nee, man, Paloeks. Nie Parys in die Vrystaat nie – Parys in Frankryk,” help Palawa hom reg.
“O, nee, ek was nog nie daar nie. Ek het nie geweet daar is twee Paryse nie,” sê Paloeka en