NIE net is dié donkerblou bessies lekker nie; hulle is ook uitsonderlik goed vir jou. Hulle is amptelik superkos en doen dié beskrywing gestand op heelwat maniere. Hulle is superaanpasbaar en kan in soet én sout geregte gebruik word. Of jy smoothies maak of ’n deftige hoendergebak – of selfs ysies – met bloubessies gaan jou eetgoed ’n superheld wees, en al die kinders se kosblikke gaan leeg terugkom. Begin die jaar heerlik gesond met hierdie superresepte.
YSLOLLIES met BLOUBESSIES en AARBEIE
LEWER 6-8 LOLLIES / BEREIDING: 5 MIN. / GAARMAAK: 5-10 MIN. / VRIES: 4 UUR TOT OORNAG
• 375 ml (1½ k) vars of bevrore bloubessies
• 250 ml (1 k) vars of bevrore aarbeie
• 60 ml (¼ k) strooisuiker
• 500 ml (2 k) dikroomjogurt
• 250 ml (1 k) room, melk of klappermelk
• 5 ml (1 t) vanieljegeursel
• fyngerasperde skil van 1 suurlemoen
Hou 6-8 yslollievorms en 6-8 roomysstokkies byderhand.
1 Plaas die bloubessies, aarbeie en strooisuiker in ’n klein kastrol en verhit tot die suiker gesmelt is. Verwyder van die hitte en laat eenkant afkoel.
Plaas die bessiemengsel in die bak van ’n voedselverwerker