DIT maak nie saak hoe oud jy word nie – party dae is ’n stywe drukkie ál wat help. Ná ’n moeilike dag, wanneer alles skeefloop, wanneer seer aan jou deur kom klop – soms is al troos iemand wat jou ’n bietjie vashou.
Maar hoe gemaak as daar niemand naby is om jou daardie vertroostende drukkie te gee nie?
Die oplossing lê dalk net by Florence Letswalo se sakeplan: Sy en haar span bied professionele drukkies om die gemoed te lig.
Hul diens klink dalk laf en selfs ’n bietjie verdag – dít weet Florence (34) van Alexandra in Gauteng maar alte goed.
Maar sy wil almal wat in haar idee twyfel een drukkie
