PRET OF ’N PROBLEEM?
As vroue besitlik na hul mans se arms gryp wanneer jy nader stap, of nog erger, ook hul handsakke gryp en met manlief aan die arm die hasepad kies, is jou flankeerdery ’n probleem. Dit kan ook jou eie verhouding vernietig.
Simon* vertel dat dit die groot strydpunt in sy vorige verhouding van tien jaar was, en ook die rede waarom die verhouding verbrokkel het. “Op enige partytjie of geselligheid het sy die hele tyd met ander mans geflankeer. Dit het groot konflik geskep, en ek het selde ’n aand uit geniet, want sy was besiger om met ander mans te flankeer as wat sy tyd saam met my deurgebring het. Dit het my magteloos en ‘onvoldoende’ laat voel; asof ek nie genoeg was nie. Een keer het ’n man met wie sy skaamteloos geflirt het na my toe gekom en om verskoning gevra omdat hy nie besef het sy is my meisie nie. Dit het ook vererger sodra sy ’n paar drankies in het. Die vreemde ding was dat
