LIEFDE LY IN LOCKDOWN
Verhoudings is klaar harde werk onder normale omstandighede en elke paartjie gaan maar deur goeie en slegte tye. Maar ’n verhouding tydens lockdown, is ’n perd van ’n ander kleur…
Aanvanklik het die idee om saam met jou maat ingehok te wees, dalk romanties geklink, veral as julle sukkel om gehaltetyd saam te geniet tussen besige skedules en kinders. Maar die realiteit van lockdown kan vinnig sy tol op verhoudings eis, want ná die eerste week of wat het baie agtergekom watter beproewing lockdown regtig vir ’n paartjie kan wees as julle gedwing word om heeldag in mekaar se geselskap deur te bring.
En vir baie gaan die ervaring net die kraters in hul verhouding dieper maak en dit dalk finaal laat verbrokkel.
Só meen verhoudingskenners met wie gepraat het. En om nog sout in die wond te vryf,
