KENNA is op ’n dubbele high.
Al die spanning van Maandag se hof toe moet gaan is gekanselleer.
Daai simpel vrou van oorkant die pad het toe tog maar haar teisteringsbevel teen Kenna teruggetrek. Die ou feeks. Kenna het glad nie so hard aan haar traliehek geruk en pluk nie.
Nou kan Kenna laatslaap tot middagete of selfs later as sy sou wou.
Daar is omtrent nie ’n neef of niggie in ’n ouetehuis wat nie vanaand gebel is nie. Selfs Ouma Tolla wat hygend lê en wag vir die graf op 102 jaar. En dis toe net Kenna se 20 minute van skree omdat sy so bliksems goed voel! En omdat Ouma Tolla met gehoorknoppe en al nie eintlik kan hoor nie. Ja, Ouma Tolla het ook nou haar afleweringsnuus uit die Piksig gekry. Kenna lag en gesels hard en oopmond. Die verligting is net te groot.
Vanaand laat die simpelste twak op televisie
