AGT Kersfeeste agter tralies; agt Oujaarsaande in die tronk. Agt keer die feestyd sonder sorgelose dae van samesyn saam met geliefdes.
Maar dit was dalk die laaste keer.
Want vir Oscar Pistorius bring die nuwe jaar heel moontlik die einde van daardie pad.
Wanneer hy op 1 Januarie 2023 opstaan uit sy enkelbed in sy karige tronksel in die Atteridgeville-gevangenis buite Pretoria, sal dit wees met die wete dat hy dalk binne net meer as vier maande oplaas uit die tronk met sy meer as 1 000 gevangenes sal stap.
Nie regtig vry nie, maar tog soortvan.
Hy sal waarskynlik nie eens uit die provinsie mag reis nie; sal nie ’n wapen mag besit nie; sal nie ’n inkomste mag genereer uit sy weergawe van