VERDEELD OOR OSCAR
DIT was ’n dag wat Barry en June Steenkamp geweet het vroeër of later sou aanbreek – die dag dat Oscar Pistorius sal uitstap uit die gevangenis waar hy sy vonnis vir die moord op hul dogter, Reeva, uitdien. En nou lyk dit asof daardie dag dalk veel vroeër kan kom as wat hulle verwag het.
Hulle het gemeen minstens ’n dekade ná Reeva se skietdood op Valentynsdag 2013 sou verloop voor die tronkdeure voor haar skieter oopswaai, maar nou is daar sprake dat die voormalige Paralimpiese atleet moontlik vroeër op parool vrygelaat sal word.
“June en Barry het nog altyd gesê die reg moet sy gang gaan. Hulle weet en verstaan dat enige oortreder ná ’n sekere tydperk in aanmerking kom vir parool. Hulle verstaan die reg. Maar hulle is
