AARTAPPELS: GEE ONS KRAG IN DIE KERSKOUS
Suid-Afrika het meer as genoeg aartappels vir die Desembervakansie én daarna, maar vir die bedryf is energiesekerheid heel boaan sy wenslys.
Daar is geen rede om bekommerd te wees dat daar dié somer nie slaptjips en aartappelslaai by die braai of gebakte aartappels op Kersdag sal wees nie. Anders as wat in onlangse mediaberigte beweer is, het Suid-Afrika eintlik ’n sterk aanbod van aartappels met belowende verwagtinge vir die volgende twaalf maande.
Aartappels Suid-Afrika se data wys die land het van 2017 tot 2021 jaarliks 2,6 miljoen ton aartappels geproduseer, met sowat 400 000 ton wat in dieselfde tyd jaarliks verwerk is. Anders as op die meeste markte kan Suid-Afrika die hele jaar lank aartappels verskaf. Dit dra tot ’n bestendige aanbod by.
Daar is ook genoeg produkte om in die vraag vir die vervaardiging van bevrore skyfies te voorsien, asook die
