DIT was die soort sprokiesverhaal wat Wall Street se wolwe uit afguns laat huil het. Op net 30 jaar was die aantreklike Elizabeth Holmes ’n selfgemaakte miljardêr. Haar selfverklaarde en uiters winsgewende sending was om lewens te red deur die geneeskundebedryf drasties te verander – en groot beleggers het behoorlik oor hul voete geval om op haar wa te klim. Die gewese Amerikaanse minister van buitelandse sake Henry Kissinger; die mediabaas Rupert Murdoch; die grootkoppe van Walmart – almal wou deel wees van haar rewolusie.
Die bloedtoetsmaatskappy wat sy gestig het, Theranos, was teen 2014 sowat $9 miljard (R100 miljard) werd en Elizabeth het rojaal geleef.
Maar toe, in 2015, begin haar sprokie in duie stort. En gaandeweg is sy ontmasker as ’n
