‘AS IEMAND my vra om te kies tussen rap en onderwys, sê ek vir hulle dis eenvoudig: Dis dieselfde ding. ’n Rapper is ’n teacher. Albei gebruik woorde om te leer, of om op te voed, of om wys te maak. Albei dra eindelik ’n boodskap wat iets groter ten doel het as net die boodskap self – of jy nou voor ’n klaskamer of voor ’n gehoor staan. Dis eintlik snaaks, weet jy.
Daar’s ’n sekere siening rakende rymklets … Baie mense – en ek het dit al self beleef – sê dis die taal wat op straat gepraat word. Dis nie mooi gepoetste woorde nie.
Maar dis juis die ding, het ek in my jare in die onderwys geleer: Voor die kinders in my klaskamer gebruik ek die taal wat hulle elke dag praat; nie groot
