In die spel gholf is dit nie die een wat die langste dryfhou kan slaan wat noodwendig die toernooiwenner is nie. Indien dit só was, sou die naam Carl Cooper (met die langste dryfhou van sowat 720 m) bekender gewees het as Tiger Woods.
Om dus ’n gholftoernooiwenner te wees, moet jy hard werk aan jou kortspel, oftewel kap- en sethoue, terwyl jy steeds dryfhoue goed tref en reguit slaan. Die kortspel in beesboerdery is om verse vroeg te laat kalf (kaphoue) en weer binne minder as 400 dae beset te kry (sethoue). Kry jy dit winsgewend