WAAR sy oor die mengtafels in die DJ-boks buig en haar silwergrys harekroon ritmies knik, is sy as’t ware die poppemeester van die see van mense wat arms omhoog aan haar voete dans. Wanneer die laaste doef-doefklanke wegsterf, haal sy diep asem terwyl die applous oor haar spoel.
Pure platejoggie. Maar anders as die meeste DJ’s wat die dansvloer laat brand, is sy nie vandag se kind nie. Sy is 62.
Joy Steffens het op die onlangse H20 Party, een van die grootste dansmusiekfeeste in Suid-Afrika, nuwe betekenis gegee aan die sêding “oud maar nog nie koud” nie. Die dansvrate is dol oor haar – en vir Joy is die ritmes wat sy