OP DIE oog af is sy stil, kalm en saggeaard, so asof sy nie ’n vlieg sal kan seermaak nie. Presies die soort verpleegster aan wie ’n mens jou piepklein baba sal wil toevertrou.
Maar die skyn bedrieg blykbaar, want die vrou in die beskuldigebank van ’n hof in Manchester is na bewering ’n monster wat binne een jaar sewe vroeggebore babas vermoor het – en 10 ander by die dood laat omdraai het.
Staatsaanklaers beskryf Lucy Letby (32) as ’n “durende, kwaadwillige teenwoordigheid” in die gange en sale van die Countess of Chester-hospitaal.
Lucy, ’n spesialisverpleegster wat opgelei is om siek babas te versorg, ontken skuld op alle aanklagte van moord en poging tot moord. Maar die aanklaer, Nick Johnson, meen die getuienis teen haar is oorweldigend.
Lucy word
