![f0104-01](https://article-imgs.scribdassets.com/6til8vw000aaeztn/images/file3M1WYV60.jpg)
DIE WIND waai vandag anders. Die kuifkophoutkappers se gekwetter in die lowergroen boomtoppe klink meer uitbundig. Die sonbesies besing die nuwe seisoen, en met Moeder Natuur wat haar vaal winterbaadjie afskud, is dit vir mens en dier ’n tyd van optimisme en vernuwing.
So ook vir die jong paartjie wat hier onder die koorsbome trou aan mekaar beloof.
Die sowat 90 gaste gesels onder mekaar terwyl die bruidegom, Arno Greeff (27), senuweeagtig voor die kansel staan en sy kneukels knak. ’n Nuwe hoofstuk wag op die Vergeet my nie-ster en sy bruid, Iluska Nagy (24).
Die blousyselbossies wat teen die kante van die opelug kansel rank, is skel pers.
![f0104-02](https://article-imgs.scribdassets.com/6til8vw000aaeztn/images/fileWA59Y58A.jpg)
Maar die natuur om die trougaste is al wat bontkleurig is. Die gaste is gevra om swart en wit te dra.
“My gunstelingkleur is swart,” het Iluska ’n dag voor haar troue aan Huisgenoot gesê.
“Ja, ek weet