TOT onlangs toe was daar net twee mense wat uit eie ervaring geweet het hoe dit voel om ’n Europese land as koningin te regeer.
Toe een van hulle, Engeland se koningin Elizabeth II, onlangs oorlede is, het dit die ander een dus in diepe rou en eensaamheid gedompel.
Koningin Margrethe van Denemarke was verlede maand sigbaar weemoedig op haar ampsgenoot se begrafnis. Elizabeth was nie net haar verlangse niggie nie, sy was ook ’n steunpilaar.
Margrethe en Elizabeth, albei agterkleindogters van koningin Victoria, het gereeld oor die telefoon gesels en met elke kans wat hulle kon kry ’n koppie tee saam geniet. Hulle het mekaar nie as “u majesteit” aangespreek, soos koninginne oor die algemeen genoem
