As jy lus voel vir iets anders as die tradisionele Kersfeeskos, kan jy gerus dié verskeidenheid geregte oorweeg wat ’n mens saam voorsit as ’n ontspanne ‘meng-enpas’-feesmaal. Vra jou gaste om elkeen twee of drie van die geregte te maak en saam te bring sodat almal tot die feestafel bydra. In sommige lande word 13 verskillende geregte voorgesit wat Jesus en die 12 dissipels gedenk.
STEAKSTOKKIES MET ROMESCOSOUS
Genoeg vir: 6-8
Bereidingstyd: omtrent 45 minute
Gaarmaaktyd: 10 minute
♥ 1 kg beessteak (kruisskyf of lendeskyf)
♥ olyfolie en geurmiddels
♥ 60 ml sagte botter
♥ 2 knoffelhuisies, fyngedruk
♥ ’n hand vol geroosterde amandel vlokkies, om voor te sit
ROMESCOSOUS
♥ 50 g geblansjeerde amandels
♥ ’n sny korserige brood van 3 cm dik, in stukke gebreek
♥ 2 groot geroosterde rooi soetrissies, skil verwyder (of gebruik gekoopte geroosterde soetrissies)
♥ 1 knoffelhuisie, fyngedruk
♥ 15 ml sjerrie-asyn
♥ 2-3 ml cayennepeper
♥ 2 ml gerookte paprika
♥ 50-75 ml olyfolie
1 SOUS Rooster die amandels in ’n droë pan tot mooi goudbruin en bros. Plaas dit in ’n voedselverwerker saam met die brood, soetrissie, knoffel, asyn, cayennepeper en paprika en pols dit om ’n growwe smeer te vorm.
2 Voeg die olyfolie bietjies op ’n slag by terwyl die voedselverwerker loop en verpulp dit verder tot die sous amper glad is. Geur dit na smaak met sout en varsgemaalde swartpeper en sit dit warm of teen kamertemperatuur voor.
Sorg dat die steak kamertemperatuur is. Bedruip dit met olyfolie en geur dit met sout en varsgemaalde swartpeper. Verhit ’n swaarboompan oor baie hoë hitte (jy kan die
