Lank, lank gelede

Rooikappie

SWARTWOUD-KAASKOEK

Net soos die nare Wolf wat wegkruip in die woud, gaan die donker kersies in hierdie kaaskoek jou verras – kry vir jou ’n sny voor alles op is!

Maak: 1 koek (22 cm in deursnee)

Bereidingstyd: 1 uur, plus yskastyd

♥ 300 g sjokoladespysverteringskoekies, fyngemaak
♥ 200 g (230 ml) strooisuiker
♥ 100 g (110 ml) vuurwarm gesmelte botter

VULSEL

♥ 1 blik (425 g) ontpitte swart kersies
♥ 15 ml mielieblom
♥ 30 ml kirsch (of gebruik brandewyn)
♥ 15 ml gelatienkorrels
♥ 60 ml kookwater
♥ 2 houers (230 g elk) roomkaas, teen kamertemperatuur
♥ 45 ml suurlemoensap
♥ 250 ml room
♥ vars kersies, vir versiering

1 Meng die koekiekrummels, 15 ml van die strooisuiker en die gesmelte botter saam. Voer die boom van ’n veerklamppan (22 cm in deursnee) met bakpapier uit en spuit dit met kleefwerende kossproei. Druk die krummelmengsel teen die boom en kante van die koekpan vas. Sit dit in die yskas.

2 Dreineer die kersies en behou die sap. Plaas die sap en 30 ml van die strooisuiker in ’n kastrolletjie. Meng die mielieblom en kirsch en roer dit by die kersiesapmengsel. Roer dit oor matige hitte tot