Basaarkerrie-en-rys
Ja, basaarkerrie smaak op geen ander plek so lekker soos by ’n basaar nie, maar ons kan probeer!
genoeg vir 8-10
• 30 ml olyfolie
• 1 ui, gekap
• 2 knoffelhuisies, fyngekap
• 45 ml matige kerriepoeier
• 30 ml borrie
• 1 kg beesmaalvleis
• 125 ml bruin asyn
• 50 ml bruinsuiker
• 60 ml gladde appelkooskonfyt
• 410 g-blik tamatiepuree
• 30 ml worcestersous
• 60 ml perskeblatjang, plus ekstra vir voorsit sout en varsgemaalde swartpeper
•150 g (250 ml) sultanas
• 6 wortels, geskil en in klein blokkies gesny langkorrelrys vir voorsit
Verhit olyfolie in ’n groot pot oor hoë hitte. Voeg uie, knoffel, kerriepoeier en borrie by. Roerbraai 1 minuut. Voeg maalvleis by en roerbraai 2-3 minute of tot korrelagtige tekstuur. Voeg asyn, suiker, appelkooskonfyt, tamatiepuree, worcestersous en blatjang by. Geur met sout en peper. Meng deur. Verlaag hitte en laat prut 10 minute. Voeg sultanas en wortelblokkies by en meng deur. Prut verder vir nog 15-20 minute of tot wortels sag en gaar is. Sit voor met gaar rys en ekstra blatjang.
BA•SAAR
s.nw. [ mv. basaars ]
SINONIEME
• kermis • mark •
