’n Nuwe pad met heuningbostee

Hoe word ’n veeboer ’n heuningbosteeboer?

My ouers, Van Zyl en Mona Joubert, het in 1994 hul Tsitsikamma-plaas verkoop ter wille van bees-en-skaapboerdery op ons nuwe plaas, Toekomst, 20 km buite Bredasdorp. Kort daarna het ons die heuningbosteenavorser dr. Hannes de Lange ontmoet. Daar was toe nog baie min bekend oor heuningbos as landbouproduk, en De Lange was op soek na boere wat kon help met navorsing oor die meer as 20 heuningbossoorte.

Onwetend was dit die begin van ’n nuwe toekoms vir ons almal toe my pa by die navorsing betrokke geraak het. ’n Teelprogram van saadjies van verskeie heuningbosspesies en getroue navorsing oor baie seisoene het help bepaal watter spesies in Toekomst se sanderige grond en met die seelug aard. Eers