Gee regte aanvulling om melkkoors te voorkom
Die oorgangstydperk van ’n melkkoei verwys na die drie weke voor kalf tot drie weke ná kalf. Op geen ander tydstip in die lewe van ’n melkkoei kan voedingsintervensie só ’n groot uitwerking op produksiepotensiaal hê nie.
’n Buitengewoon hoë persentasie metaboliese probleme kom tydens of kort ná hierdie tydperk voor. Onderdrukte droëmateriaalinname en swak kondisie, tesame met versnelde koeivoedingsbehoeftes is van die hoofoorsake daarvan.
