DIE LAASTE WERKSDAG
DIE ondeunde glimlag, die vonkel in haar oog, die ewig teenwoordige handsak – alles was daar. Tog was sy met haar laaste amptelike openbare verpligting sigbaar broser. Aan die kierie waarop sy geleun het en ’n kneusmerk op haar hand kon ’n mens sien sy dra swaar aan haar 96 jaar.
Mense sou koningin Elizabeth seker nie verkwalik het as sy gesê het sy voel te swak om die nuwe Britse premier, Liz Truss, te ontmoet het nie. Sy kon maklik haar oudste seun, Charles, gevra het om dié ontmoeting – waarop die staatshoof die nuwe premier vra om namens haar te
