‘DIE TYD IS EINDELIK REG’
OM SO ’n lang tyd deur ’n oseaan en sowat 12 000 km van jou geliefdes geskei te wees is net mooi niks lekker nie – veral in ’n tyd van siekte. Vra maar vir Mila Guy.
Dis daarom dat die aktrise deesdae so blom. Ná ’n uitmergelende twee jaar en agt maande – “om pre-sies te wees” – kon Mila (29) die eerste keer sedert die pandemie begin het weer Nieu-Seeland toe gaan om by haar ouers, Johan en Belinda, en jonger suster, Marò, te kuier.
Dit was ’n emosionele weersiens, vertel Mila, en ja, die klomp van hulle kan mekaar kwalik ophou omhels.
“Jis, dit was taai,” vertel ’n borrelende Mila vandag oor haar kuier in Whangarei in die noorde van die land. “Maar om nou ná so lank weer net saam met hulle te wees voel soos die grootste geskenk ooit. Ek is amper te bang om een oomblik saam met hulle mis te loop.”
Ja, om in die teenwoordigheid van haar geliefdes te wees bring haar groot vreugde. Maar dis nie ál rede waarom sy so straal nie; ook die akteur Bennie Fourie (33), haar kêrel van die afgelope drie maande, speel ’n rol in daardie glimlag wat jy deesdae kwalik van haar gesig kan vee – en hy’s sommer saam Nieu-Seeland toe.
“Haar ouers wou net doodseker maak ek kyk mooi na Mila,” spot Bennie en knipoog.
En, laat die Guys hom les opsê?
“Darem nie,”
You’re reading a preview, subscribe to read more.
Start your free 30 days