VREDE NÁ TRONK ONS EENS SKEI
ELKE dag kry sy oproepe van desperate jong mense wat hulp soek. Mense wat met depressie, angs of ’n swak selfbeeld worstel. Sommige voel so alleen, moedeloos en hulpeloos dat hulle daaraan dink om hul eie lewe te neem.
Die rede waarom hulle na Felicia Goosen (27) uitreik vir hulp met hul geesteswelstand, is dat sy ’n gekwalifiseerde afrigter op dié gebied is.
Maar sy verstaan hul emosies op ’n vlak wat geen akademiese opleiding jou kan bied nie, want as jong mens is sy self deur hel.
Felicia is gebore in een van Thailand se berugte tronke en vir haar eerste lewensjare het sy geen ander tuiste geken nie.
Toe, op die tere ouderdom van drie jaar, is sy van haar
