WAT DOEN ORKNEY?
TOE Orkney snork nie in 1989 begin het, het dié huis een van die bekendste huise in die land geword – die ligperskekleurige huis waarin die Van Tonders van Orkney woon.
Die Van Tonders se huis het so ’n gevestigde baken geword dat die mense wat regtig in daardie huis gewoon het, begin kla het mense kom klop sommer net aan om te hoor of die Van Tonders nog daar bly, vertel Willie Esterhuizen, vervaardiger van die reeks.
En dan was daar die vrou uit Kaapstad wat hom gebel het op soek na die bouplan van die Van Tonders se kombuis, want sy wou presies dieselfde kombuis in haar huis hê.
Derduisende mense het hulle oor die jare verkneukel in die wel en wee van dié doodgewone mynwerkersgesin van Orkney, ’n myndorp in die Wes-Transvaal.
Hoewel die SAUK se TV1-kanaal aanvanklik neus opgetrek het vir Willie en
