STAP JOU LABIRINT

Dit was ’n eerste vir my toe ek onlangs ’n ‘lewende’ labirint bewandel. Met spekbome alkant van die kronkelpaadjie waar ek na die middelpunt gestap het. Mens en natuur het as’t ware saam asemgehaal. Einde verlede jaar het ek ’n retreat op Goedgedacht in die Riebeekvallei bygewoon. Johann van Greunen, holistiese helingsberader en reiki-meester, het ons gewys hoe om ons sintuie opnuut te waardeer. Om die labirint op die plaas te stap was maar een van vele ‘oefeninge’.

Sintuiglik wás dit ’n lekker belewenis. Die reuk van die veld, die gekwetter van voëls, diep asemteue vars lug_… Elke ou stap op sy eie. Kaalvoet. Jy moet die aarde onder jou sole voel. Dis ’n soort uitruil van energie tussen jou en die grond terwyl die son op jou bak. Lekker om die grond onder jou voete te voel. Soos kleintyd, wanneer ’n mens by familie op die plaas gaan kuier het en op die grondpad gestap het.

Die geskiedenis van die labirint kronkel terug tot in 5000 v.C. Argeoloë het in Siberië afgekom op ’n mammoettand